Автомашины талаарх шинэ судалгаа: Жинхэнэ худалдан авагчдийн хүсэл сонирхол тухайн цаг мөчид л оргилдог

11:18 0 Comments


Жиргээнд хүмүүс өдөр тутмын амьдралынхаа талаар бусадтай хуваалцах дуртай байдаг. Одоо унаж байгаа болон худалдан авахаар зэхэж буй автомашиныхаа талаар ч багагүй ярьцгаадаг байна. Canvs (@canvstv)-с Твиттер хэрэглэгчдийн жиргээнд тулгуурлан явуулсан шинэ судалгааны үр дүн тун сонирхолтой гарчээ. Худалдан авахаар зэхэж байгаа, авахыг хүсдэг, эсвэл одоо унаж байгаа автомашины талаар болон автомашинд хэр хорхойтой тухай жиргээний урсгал өдөрт дунджаар 327,000 давдаг байна.
Эдгээр жиргээний урсгал автомашины худалдан авалтад ямар үүрэг гүйцэтгээд байна вэ?
Үүний талаар мэдээлэл цуглуулах үүднээс бид Canvs-тай хамтран 12 сарын туршид хэрэглэгчдийн хамгийн их ашигладаг Tвиттер, Фэйсбүүк, Tumblr зэрэг сүлжээнүүдэд нийтлэгдсэн автомашины талаарх харилцан яриануудад шинжилгээ хийсэн юм. Улмаар Canvs-нхан жолооч нарын харилцан яриа болон топ сэдвүүдийг ангилж худалдан авагч нар шинэ автомашин авахдаа гаргадаг хэд хэдэн алхмуудыг тодорхойлсон байна.
Судалгааны үр дүнд Твиттерт яригддаг автомашины талаарх харилцан ярианууд нь жинхэнэ худалдан авагчдын дунд, байнга, худалдан авах бодит эрмэлзэлтэйгээр өрнөдөг байна. Эдгээр нь автомашин борлуулагчдыг сурталчилгаа явуулахдаа анхаарах чухал хүчин зүйлс юм.

Твиттерийн хэрэглэгчид автомашины талаар байнга ярилцдаг

Дэлхий дахинд хүмүүс Твиттерээр дамжин томоохон арга хэмжээ, үйл явдлуудын талаар жиргэж хоорондоо мэдээлэл солилцдог гэдгийг та бүхэн мэднэ. Үүний хажуугаар хүмүүс энэхүү сүлжээг өдөр тутмынхаа мэдээлэл дамжуулах суваг болгон ашигладаг ба Твиттерээр дамжуулан автомашиныхаа юунд илүү дуртай, хэр найдвартай унаа болохыг, мөн ямар автомашин худалдаж авах хэрэггүй зэрэг олон мэдээллийг бусадтай байнга хуваалцаж байдаг нь судалгаагаар тогтоогджээ. Canvs-ийн мэдээлснээр Твиттер дээрх автомашины харилцан ярианууд мөнхийн ногоон буюу жилийн 4 улиралд тогтвортой өрнөдөг аж.



Хүмүүс өдөр тутамд зам дээр харсан гоёмсог автомашины талаар өөрийн сэтгэл хөдлөлөө Твиттерт илэрхийлдэг болохыг энэхүү судалгаагаар бас олж харж болохоор байна. Жилд “олж харсан машин”-ы жиргээ дунджаар 2.4 сая давдгаас, 3% нь “миний мөрөөдлийн машин” хэмээх хэллэгийг ашигладаг гэнэ. Твиттерт хэн боловч хүссэн цагтаа гар утаснаасаа нэвтэрч болдог учраас тухайн мөчид төрсөн сэтгэл хөдлөлөө тэр дор нь “шуурхай” илэрхийлдэг нь гарцаагүй.

Үүнээс гадна, Твиттерийн хэрэглэгчид телевизийн зар сурталчилгаагаар олж харсан автомашинуудын талаар сэтгэл хөдлөлөө байнга илэрхийлдэг байна. Millward Brown-ий судалгааны үндсэн дээр, зах зээлийн хэрэглэгчид телевиз болон Твиттер аль алинаас сурталчилгааг харсан бол тухайн брендэд хандан жиргэх магадлал 9 дахин, Retweet хийх магадлал 4 дахин, брендийн талаар жиргэх магадлал 3 дахин, мөн тухайн брендийн Твиттер хаягийг дагах магадлал 2 дахин өсдөг нь ажиглагджээ.



Сурталчилгаанд анхаарах зөвлөмж: Твиттер дээр сурталчилгаа явуулахдаа маш нухацтай анхаарах зүйл бол агуулгын стратеги буюу “content strategy” юм. Хүмүүс автомашиныхаа талаар, амьдралдаа өрнөж буй мөчүүдийн талаар хуваалцаж байх үед нь өөрийн брендээ тухайн үйл явдалтай холбосноор хэрэглэгчдийн идэвхтэй оролцоо буюу “engagement” ихэсдэг. Хүмүүст өөрийн брендийн талаар ярилцах шалтгаан, үйл явдлыг бий болгож өгөх хэрэгтэй. Жишээ нь Mercedes Benz компани #MilleMiglia буюу Итали дахь эртний чамин загвартай автомашинуудын уралдааныг Periscope-оор дамжуулан цацсанаар Benz-н талаар нэлээдгүй шуугиад авчээ.

Твиттерийн хэрэглэгчид нь автомашин эзэмшигчид, худалдан авагчид байдаг.

Твиттер дээрх автомашины талаар харилцан ярианы 75%-ийг хэрэглэгчид өөрсдөө удирдаж байдаг. Өөрөөр хэлбэл ихэнх жиргээ захиалгатай, эсвэл брендүүдээс зохион байгуулалттай байдаггүй - харин ч автомашинд үнэн голоос дуртай худалдан авагч, жолооч нар өөрсдөө маш идэвхтэй байдаг байна.
Мөн ихэнх хүмүүс автомашины талаар бусадтай санал бодлоо хуваалцах үедээ Твиттерийг түгээмэл ашигладаг. Бидний олж мэдсэнээр машин худалдаж авахаар сонирхож байгаа хүн Твиттерийг зарах машин, эсвэл дажгүй хямдралын боломж олоход ашиглахаас илүүтэйгээр жинхэнэ жолооч нараас зөвлөгөө авахад ашигладаг байна. Зөвлөгөө, худалдан авалтын ярианы харьцаа 4:1 байдаг сонирхолтой дүн гарчээ.
Гэсэн хэдий ч бид тухайн салбарын чухал үйл явдлын үеэр жиргээ ихэсдэг болохыг илрүүлсэн бөгөөд Canvs-ийн ажигласнаар худалдааны арга хэмжээний үеэр жиргээ 3 дахин ихэсдэг бол, автошоуны үеэр 2 дахин ихэсдэг байна. Үүгээр ч зогсохгүй, Твиттерт тухайн жилийн шинэ загвар зарлагдах үеэр түүнийг худалдан авах хүсэлтэй жиргээ 2 дахин өсдөг болох нь тогтоогджээ.



Сурталчилгаанд анхаарах зөвлөмж: Танай автомашиныг эзэмшдэг үнэнч хэрэглэгчидтэй байнга холбоотой бай. Дан ганц брендээ дурдахаас гадна холбогдол бүхий харилцан яриануудад оролцох нь хэрэгтэй. Санаачилгатай байж, тодорхой үзүүлэлтүүд болон давуу талуудыг илэрхийлсэн сэтгэл хөдлөлтэй холбоотой жиргээнд оролцоорой.

Твиттерийн хэрэглэгчдэд худалдан авалт хийх бодит эрмэлзэлтэй байдаг.

Тэгэхээр, Твиттерт харилцан ярианы чухам аль түвшинд автомашины талаар мэдээлэл, сэтгэл хөдлөл нь бодитоор худалдан авах эрмэлзэлд хөтөлдөг вэ? Нийтдээ, худалдан авалтын жиргээний 60% нь худалдан авалтаас өмнө хийгддэг бол 30% нь худалдан авах явцдаа хийгддэг байна. Хамгийн гол нь хэрэглэгч шинэ унаагаа худалдан авах бүхий л үйл явцыг Твиттерээр бусадтай хуваалцаж байдагт байгаа юм.
Твиттер брендүүдэд худалдан авалтын шийдвэр гаргалтад хэрэгтэй цагт нь нөлөөлөх маш өвөрмөц боломжийг олгодог. @Canvstv-ийн судалгаагаар хэрэглэгчид автомашин худалдан авахаар зэхсэн талаарх жиргээг дунджаар худалдан авалтаас 72 цагийн өмнөөс явуулж эхэлдэг байна. Үүгээр ч зогсохгүй, автомашин худалдан авалтын харилцан ярианы тал орчим нь өөр хэн нэгэнд тохиолдсон туршлагын талаар дурдагддаг ажээ.



Хэрэглэгчид худалдан авалт хийсний дараа ч Твиттерийг бүрэн ашигласаар байдаг ба шинэхэн автомашинаа “гайхуулах” жиргээнүүдийг нисгэж эхэлдэг байна. Твиттерт хэрэглэгчдийн өөрсдийн автомашинаа сурталчилсан жиргээ нь жилд 2.2 сая хол давсан байдаг - эдгээр шинэ автомашины зургуудын 23%-д нь эзэмшигч нь өөрөө зурагтаа багтсан байдаг.
Сурталчилгаанд анхаарах зөвлөмж: Идэвхэжсэн худалдан авагчдын анхаарал татахуйц агуулгатай мэдээллүүдийг хуваалц. Шинэ тээврийн хэрэгслийн загварын гол санаа болон инноваци зэрэг ялгарах үзүүлэлтүүдийг онцолж өгөх хэрэгтэй. Тээврийн хэрэгслийн үзүүлэлт болон онцгой шинж чанаруудыг агуулсан зураг, дүрс, бичлэг зэргийг ашиглан хэрэглэгчдэд хүр.

Дүгнэлт

Өдөр тутам автомашин эзэмшигчид, худалдан авагчид таалагддаг машиныхаа талаар, худалдан авахаар төлөвлөж байгаа тухайгаа хоорондоо ярилцаж байдаг - энэ нь брендүүдэд Твиттерээр дамжуулан хэрэглэгчдэдээ худалдан авалтын бүх шатанд нөлөөлөн хамт байх гайхалтай боломжийг нээж өгч байгаа юм. Твиттерийн хэрэглэгчдийг онц сонирхолтой агуулга бүхий жиргээгээр сайн хангаж өг, мөн танай автомашиныг бусдаас онцгойруулж байдаг инноваци, үзүүлэлт болон онцгой шинжүүдийг нь илүү харуул. Твиттер дэх стратегиа борлуулалтын үйл ажиллагаа, арга хэмжээ болон шинэ бүтээгдэхүүний нээлт, танилцуулга зэрэгтэй уялдуулахаас гадна бусад мэдээллийн хэрэгслүүд болох ТВ сурталчилгааг ч мартаж болохгүй. Төгсгөлд нь хэлэхэд, зах зээлд хүчтэй дохио болдог хүмүүстэй холбоотой байх хэрэгтэй, жишээлбэл танай брендийн талаар тогтмол жиргэдэг хүмүүстэй байнга харилцаж байх нь зүйтэй юм.


0 comments:

Зургаа дордож нэг сэхсэн Цахиурын Хөндийн Япон стартапын түүх

10:48 0 Comments

Rohin Dahr -ийн Priceonomics веб сайт дээр анхлан нийтлэгдсэн "AnyPerk: The story of six pivots" нийтлэлийг зохиогчийн зөвшөөрөлтэйгөөр орчуулан хүргэж байна.
Цахиурын Хөндийн хамгийн том инкубатор, хөрөнгө оруулагч болох Y Combinator-ийн 2012 оны өвлийн элсэлтийн компани болох Таро Фукуяма, Санни Цан хоёрын баг нэг л базаахгүй байлаа. Тэд Mieple гэх залуусын болзооны сайтны санаагаараа инкубаторт тэнцэж орсон байв. Харамсалтай нь тэдний вебсайт хэрэглэгчдээ өсгөж чадахгүй байснаас pivot хийх буюу хурдасгуур програмын эхний үед бизнесийн санаагаа өөрчилсөн юм.
Тэд Y Combinator дахь эхний сардаа долоон өөр бизнес модель санааг нягталж үзэж, зургаан удаа бизнесийн санаагаа өөрчилжээ. Эхний санаа нь найзуудынхаа санал болгосон хүмүүстэй болздог вебсайт байв. Дараа нь хөрөнгө оруулагчидтай бие биенээ танилцуулж өгдөг санаа байлаа. Үүний дараагаар ажилд зуучилж өгдөг үйлчилгээ нэвтрүүлсэн бөгөөд ерөнхийдөө “зуучлалын чиглэлийн үйлчилгээ”-ний бизнес моделийг залхатлаа оролдсон гэж хэлж болно.
Тэд мөн орчуулгын үйлчилгээ, ямар кино үзэхийг зөвлөдөг вебсайт, хүмүүст шинэ ур чадвар эзэмшихэд нь тусалдаг үйлчилгээ гэх мэт санаануудаар бизнесээ эхлүүлэх гэж оролдсон байна.
YC-ийн хөрөнгө оруулалтын хамтрагчид тэдний олон ч санааг газар доор ортол нь буцаажээ. Үлдсэн санаанууд нь хэрэглэгчдээс үгүй гэсэн няцаалт авсан байна. Эхний сар өнгөрсний дараа тэд YC-н тэргүүн Паул Грахам (Paul Graham)-тай уулзсан байна. Паул тэдэнд тухайн үеийн байдлаар ангиасаа хамгийн муу баг нь байгааг, гэхдээ энэ нь тэдэнд илүү мундаг болох шалтгаан болох ёстой хэмээн хэлжээ.
Тэгээд тэд улам бүр сайжирч эхэлсэн байна. Тэд яг 7 дахь удаагийн оролдлого дээрээ буюу хурдасгуур програм дуусахад ердөө л хоёрхон сар үлдээд байхад зөв санаагаа бодож олжээ.
Тэд AnyPerk компанийг байгуулав. Энэ нь компаниудад ажилтнууддаа янз бүрийн хөнгөлөлт, урамшуулал өгөхөд тусалдаг үйлчилгээ байлаа. Тэдний компани одоо 28 ажилтантай, сар бүрийн тогтмол эргэлтээсээ хангалттай их мөнгө олж байна. Сүүлийн хоёр жилийн хугацаанд тэд ангийнхаа хамгийн муу багаас шилдгүүдийн нэг болтлоо сайжирсан ажээ.

Зөв санаа олсон нь
AnyPerk-ийг үүсгэх санаа нь YC-ийн өөрийн стартапууддаа санал болгодог бизнесийн үйлчилгээндээ үзүүлдэг урамшууллуудаас урган гарч ирсэн юм. YC нь стартапуудыг тэдний өөрсдийн үйлчилгээг авахыг уриалсан нэлээдгүй хөнгөлөлт болон төлбөргүй үйлчилгээг санал болгодог. Эдгээрт, AWS credits, MS Office-ийн төлбөргүй хуулбарууд, эсвэл футболка дээрх хэвлэлийн үйлчилгээний хөнгөлөлт гэх зэрэг үйлчилгээнүүд багтдаг.
Япон улсаас ирцгээсэн Таро болон Санни нар өөрсдийн эх нутагт нь иймэрхүү үйлчилгээ санал болгож, ажилтнууддаа аливаа бүтээгдэхүүнийг санал болгохыг хүссэн ажил олгогчдоос үйлчилгээний төлбөр авдаг хэд хэдэн амжилттай компаниудыг мэддэг аж. Ажил олгогчдын хувьд энэ нь ажилтнууддаа санаа тавьдгийг илтгэх маш зардал багатай арга юм.
Уг санааг туршиж үзэхийн тулд, тэдний баг YC-гийн урамшууллын жагсаалтыг аван, хэдэн тооны үйлчлүүлэгчдээс “Та эдгээр жагсаалт бүхий урамшууллын эрхийг авахын тулд $5 төлөх үү?” хэмээн асуужээ. YC-ийн партнеруудаас уриалагхан, эерэг хариултууд авснаар AnyPerk төрөх болсон аж.
AnyPerk YC-д урамшууллуудаа санал болгодог зарим нэг компаниудыг AnyPerk-тэй мөн хамтрахыг санал болгож эхэлжээ. Энэ нь тэдний урамшуулалт үйлчилгээний зах зээлийг өсгөх үр болж өгсөн юм. Харамсалтай нь, эдгээр урамшууллуудын ихэнх нь ажилтнуудад бус компаний үүсгэн байгуулагчдад нь чиглэсэн байсан юм. Эдгээрийн жишээ нь нэрийн хуудас болон стикер хэвлэлтийн үйлчилгээний хөнгөлөлт зэрэг байлаа. Priceonomics нь AnyPerk-тэй нэг YC элсэлтэд байсны хувьд дор зурагт харуулснаар, тэдний 2012 оны урамшууллуудынх нь талаар дурдсан имэйлийг бид ухаж олсон юм.
Эдгээр нь чухал үйлчилгээнүүд хэдий ч энгийн нэг ажилтны анхаарлыг татах зүйл биш байлаа. Үнэхээр анхаарал татахуйц урамшууллууд биш л бол ажилтнууд эдгээр үйлчилгээнд мөнгө төлөх нь тун эргэлзээтэй.
Гэвч, тэдгээр үйлчилгээг авах олон тооны ажилтнууд байхгүй л бол компаниудыг хөнгөлөлт санал болгохыг татах нь мөн хэцүү асуудал болох юм.  
Тиймээс, Таро Санни хоёр ажилтнуудад тодорхой хугацаанд үнэгүй үйлчилгээ авах боломжийг бий болгохоор шийдсэн бөгөөд ажилтнууд AnyPerk-ийн веб хуудсанд бүртгүүлснээр үнэхээр боломжийн хөнгөлөлтүүдийг авах боломж нээгдэх аж. Эхний жилдээ, AnyPerk нь ажилтнуудад төлбөргүй бүртгэл санал болгож, боломжийн хөнгөлөлтүүдийг санал болгохын төлөө чамгүй их зүтгэсэн билээ. 2012 оны 2-р сард Priceonomics нь AnyPerk-т харилцагчаар нэгдсэн талаарх фэйсбүүк чатыг доороос харж болно.
Тухайн цаг үед эдгээр 2 залуус AnyPerk-ийг үүсгэн байгуулсан байхад, BetterWorks нэртэй өөр нэг стартапийн үйл ажиллагаа уруудах замдаа орж байлаа. Ажилтнуудад хөнгөлөлт санал болгох ижил төрлийн үйлчилгээ явуулдаг эд бадарч явсан энэ стартап нь 10.5 сая ам.долларын хөрөнгө оруулалтыг нэг их амжилтгүйгээр хийсгэж орхисон аж.
BetterWorks-ийн туршлага нь AnyPerk-д ашигтайгаар нөлөөлсөн нь гарцаагүй. Юун түрүүнд, тэд BetterWorks-ийн бүтэлгүйтсэн үнийн саналаас сургамж авсан. BetterWorks нь компани болон ажилтнуудын хоорондох хөнгөлөлтийн гүйлгээнд өөрсдийгөө багтаах хүсэлтэй байсан юм (BetterWorks-оос та үйлчилгээг шууд авах бөгөөд, тэд цааш үйлчилгээг борлуулж буй компанид мэдээлэх зарчмаар явдаг). BetterWorks нь Groupon-той ойролцоо зарчмаар буюу гүйлгээнээс тодорхой хувийн шимтгэл авч ашиг олдог байжээ. Үүний үр дүн нь компаниудын хувьд BetterWorks-той харилцах нь төвөгтэй байснаас гадна тэд хамгийн анхаарал татахуйц хөнгөлөлтүүдийг платформ дээрээ бий болгох боломжгүй байсан юм.
Бас нэг боломжийн хувьд, BetterWorks зах зээлээс гарснаар, тэдний ажилтнууд нь бэлхэн байсан явдал байлаа. AnyPеrk-д хэн нэгэн компаниудруу залган платформ дээрээ урамшууллууд оруулах ажлыг гүйцэтгэх хэрэгтэй байсан тул тэдэнд BetterWorks-оос яг тийм ажлыг хийдэг байсан хүнийг авах боломж нээгджээ.
Дараагийн жилд нь AnyPerk хоёр зүйл хийсэн. Бүр олон хөнгөлөлтүүдийг платформдоо оруулж мөн ажилтнуудыг төлбөргүйгээр бүртгүүлж байлаа. Үйлчилгээг авах маш олон тооны ажилтнууд байснаар ажил олгогчдын анхаарал улам татагдах юм. Тэд гар утасны багц, киноны тасалбар, фитнессийн гишүүнчлэл гэх зэрэг өөр олон гайхалтай урамшууллуудыг цуглуулж эхэлжээ.
2013 оны 1-р сар гэхэд тус компани нь ойролцоогоор нэг жил болоод зогсохгүй зарим маш сонирхолтой урамшууллуудыг платформдоо бий болгож байсан ч ашиг олохгүй хэвээр байв. Яг энэ үед ажилтнууддаа үзүүлэх тэтгэмж хэлбэрээр ажил олгогчдоос амжилттайгаар төлбөр нэхэмжилж чадах эсэхээ үзэх цаг болсон байлаа.  
AnyPerk энгийн үнийн модель нэмж хэрэглэжээ. Ажилтан тутамд сарын 5 долларыг компаниуд төлнө. 10 хүнтэй компани 50 доллар сард төлөөд ажилтнууддаа утасны төлбөр, фитнесийн хөнгөлөлт гэх мэт урамшууллууд эдлүүлэх боломжтой болох юм. 100 хүнтэй компани сард  500 доллар төлнө гэсэн үг.
Ийм энгийн модел нь харилцагчдад таалагдсан байна. Компаниуд ажилтнууддаа хөнгөлөлт, урамшуулал хүргэхийн тулд AnyPerk-д дуртайяа мөнгө төлж эхэлсэн байна. Доорх графикаас тэдний орлогын өсөлтийг харж болно.
Мэдээж энэ графикт босоо тэнхлэгийнх нь хэмжээг нууцалсан байгаа (AnyPerk-ийнхэн орлогын тоонуудаа ил гаргахгүй байхыг хүссэн юм). Гэхдээ үүнээс тодорхой харагдаж байгаа нэг зүйл нь сүүлийн жилд тэдний орлого тогтмол хурдтайгаар өссөн явдал юм. Тэд 7 ажилтантай эхэлж одоо 28-уулаа болон өргөжсөн. Санааг маань та нар ойлгож байгаа байх. Тэд маш амжилттай ажиллаж байна. Паул Грахамын хэлсэн үг тэдний зүрхэнд мартагдахааргүй гүн хүрсний үр дүн байж ч магадгүй.

Борлуулалт ба өсөлт
AnyPerk-ийн өргөжих үндсэн арга бол борлуулалтын ажилтнууд нэмж ажиллуулах юм. Эдгээр борлуулалтын ажилтнууд нь ажил олгогчидтой холбогдож AnyPerk-тэй харилцагч болохыг ятгадаг. Ойролцоогоор харилцагчдын 50% нь гаднын холбоогоор орж ирсэн бөгөөд, үлдсэн нь борлуулалтын ажилтнуудын үйлчлэлээр орж ирсэн байлаа. Шинэ борлуулалтын ажилтан багт нэгдмэгцээ өндөр борлуулалт хийх шаардлагагүй ч цаг хугацаа өнгөрөх хэрээр өндөр борлуулалтад хүрэх шаардлагатай болох юм.
Тэд мэдээж борлуулалтын ажилтнуудад борлуулалт хийснийх нь төлөө цалин урамшуулал өгдөг учраас шинэ харилцагч элсүүлэхийн тулд нилээдгүй зардал гардаг. Тарогын дурдснаар, Salesforce.com харилцагч элсүүлэх зардлынхаа улмаас 18 сарын дараа хугарлын цэгтээ хүрсэн байдаг. Харин AnyPerk-ийн хувьд, тэд борлуулалт эхэлснээс хойш 4-5 сарын дараа хугарлын цэгтээ хүрсэн түүхтэй.  
AnyPerk-н дараагийн алхам юу вэ?
Хэрэв та AnyPerk-ийн оффисоор ороод гарвал өрөөний зай нь бараг тал хүндээ ч хүрэлцэхгүй гэмээр бужигнасан газар байх болно. Тэдний бүтээгдэхүүн үнэхээр зах зээлээ олж чадсан буюу хэрэглэгчдийнхээ хэрэгцээг зөв олж харсан үйлчилгээ юм. Одоо тэдний өмнө илүү олон хэрэглэгчдийг эгнээндээ оруулж, платформоо эрчтэй өргөжүүлэх цаг үед ирээд байгаа юм.
Тэдний компани хэн ч харсан үсрэнгүй хөгжиж байгаа нь илт. Харин бусад олон стартапуудын адил энэхүү амжилтад шулуун замаар хүрээгүйг онцлох нь зүйтэй. Тэд унаж босох, алдаж онох бүхий л замыг туулсан.
Хамгийн хүнд өдрүүдийн ард гарсан ч, улам амжилттай болж өсөхөд маш урт зам хүлээж байдаг. AnyPerk компаниудыг ажилтнуудынхаа сэтгэл зүрхийг татаж, тэдний үнэ цэнийг мэдрүүлэхэд тусалдаг хамгийн хүчтэй компани болох амбицтай байгаа юм. Тэд хамгийн том компаниудыг харилцагчаар элсүүлж, цаашид олон төрлийн урамшуулалт хөтөлбөрийн зохицуулалт хийх програмыг хөгжүүлж байна.
AnyPerk замынхаа эхлэлд зүдэрсэн ч хоёр жилийн дараа гэхэд YC-ийн хамгийн шилдэг стартапуудын нэг болжээ. Энэхүү амжилтад хүрсэн нууц нь ердөө л 6 удаа унаж боссон уйгагүй зүтгэл ажээ.

0 comments:

Subscribe to: Posts (Atom)